Ստելը վնասում է ոչ թե ստախոսության թիրախի, այլ ստողի առողջությանը. նախարար Զոհրաբ Մնացականյանն անցյալ շաբաթ գտնվում էր արտերկրում. ԱԳՆ
Շաբաթ օրը ստացված կարելի է համարել, քանի որ fake news-ի ֆաբրիկայի «հեղինակները» գերազանցեցին իրենց՝ գլխի չընկնելով հերթական «արտադրանքը» բաց թողնելուց առաջ ստուգել ԱԳ նախարարի օրակարգը և մինչ «ստեղծագործության» հրապարակումը արձանագրել, որ Զոհրաբ Մնացականյանն անցյալ շաբաթ գտնվում էր արտերկրում: Այս մասին իր ՖԲ էջում գրել է ԱԳՆ մամուլի խոսնակ Աննա Նաղդալանը:
Հիշեցնենք, որ ստելը վնասում է ոչ թե ստախոսության թիրախի, այլ ստողի առողջությանը:
#մարդավատացել
Հիշեցնենք, որ այսօր «168 Ժամի» խիստ հավաստի տեղեկություններով՝ անցյալ շաբաթ աշխատավայրում կտրուկ վատացել է ՀՀ արտաքին գործերի նախարար Զոհրաբ Մնացականյանի առողջական վիճակը, ԱԳՆ աշխատակազմը ստիպված է շտապ օգնություն կանչել։
ԱԳՆ մեր աղբյուրները պնդում են, որ մինչ այդ Զոհրաբ Մնացականյանն իր իսկ նախաձեռնությամբ բավականին ծանր հեռախոսազրույց է ունեցել Ռուսաստանի Դաշնության իր պաշտոնակցի՝ Սերգեյ Լավրովի հետ։
Աննա Նաղդալյանն ԱվրորաՆյուզի հետ զրույցում հերքեց լուրը, եւս մեկ անգամ հավաստելով, որ այն ամբողջությամբ ապատեղեկատվություն է:
