Կարմիր քարտ՝ Քոչարյանին, ՀՅԴ-ին և դատական «փտած» համակարգին

Ցուցարարները քայլերթ են իրականացնում՝ Երևանի փողոցներով: Նրանք կոչ են անում՝ «զարթնիր լաո» և հորդորում միանալ իրենց: «Փտած արդարադատությունից պետք է հրաժարվենք, 30 տարի ազգը միշտ կեղեքվել, թալանվել է, որովհետև նախկինների ժամանկ ժողովուրդը չի կարողացել ձայն հանել, վախեցել է, բայց այսօր եկել է հատուցման ժամը․ դատական համակարգը պետք է փոխվի և նախկինները պատասխան տան»,-կոչ արեցին հանրահավաքի կազմակերպիչները՝ պահանջելով լուծարել Հանրային խորհուրդը։ «Քոչարյա՛ն Ռոբերտ՝ հանցագո՛րծ, մարդասպա՛ն, քեզ չի հաջողվի Արցախը լարել Հայաստանի դեմ, իսկ Հայաստանը՝ Արցախի։ Քոչարյանը արյունով եկավ, արյունով գնաց։ Հիմա ուզում է նույնը կրկնել, չի՛ ստացվի քեզ մոտ»,- ասում էին նրանք «քաղաքական դիակներին», դատավորներին և ՀՅԴ կուսակցությանը՝ ցույց տալով կարմիր քարտեր։ Ցուցարարները նշեցին, որ հասնելու են բոլոր դատավորների հրաժարակին։ «Պետք է ստեղծել նոր դատական համակարգ՝ լուծարելով հինը»։