Այսօր որոշ դատավորների բնակարաններում խուզարկություններ կլինեն. Դատավոր Ազարյանի «երազը»
Վերաքննիչ քրեական դատարանի դատավոր Ալեքսանդ Ազարյանը քիչ առաջ գրառում է կատարել իր ֆեյսբուքյան էջում:
Այն ներկայացնում ենք ստորև.
«Երազ եմ տեսել իբր վարչապետի հանձնարարությամբ ԱԱԾ-յան կողմից ես և իմ հարազատները վերցվել ենք տոտալ հսկողության: Եթե չհասնեն արդյունքի, դիմելու են սադրանքների, հատկապես՝ որդուս նկատմամբ: Ես երազում զգուշացրեցի նրանց, որ դա հղի է շատ ծանր հետևանքներով: Մեկ էլ երազում տեսա, որ այսօր որոշ դատավորների բնակարաններում կատարվելու են խուզարկություններ»,- գրել է Ալեքսանդր Ազարյանը:
Հիշեցնենք, որ Ալեքսանդր Ազարյանի նախագահությամբ 2018թ. օգոստոսի 13-ին դատարանը ազատ արձակեց Հայաստանի երկրորդ նախագահ Ռոբերտ Քոչարյանին՝ բեկանելով առաջին ատյանի դատարանի կայացրած որոշումը` հաշվի առնելով, որ նախագահը անձեռնմխելի է:
