Մահվան ելքով վրաերթ է տեղի ունեցել Սեբաստիա փողոցում
20-ամյա վարորդը վրաերթի է ենթարկել փողոցը չթույլատրելի հատվածով անցնող հետիոտնին: Այս մասին հայտնում է Shamshyan. com-ը:
Այսօր՝ մայիսի 21-ին, ժամը 21:40-ի սահմաններում մահվան ելքով վրաերթ է տեղի ունեցել Երեւան քաղաքի Սեբաստիա փողոցում: Երեւանի բնակիչ, 20-ամյա Տիգրան Ն.-ը BMW մակնիշի ավտոմեքենայով վրաերթի է ենթարկել փողոցը չթույլատրելի հատվածով անցնող հետիոտնին:
Ըստ տեղեկությունների՝ վարորդը ավտոմեքենան վարել է սթափ վիճակում, չի դիմել փախուստի, զանգել է շտապօգնություն, եւ դեպքի վայր ժամանած բժիշկները արձանագրել են հետիոտնի մահը, որից հետո վարորդը ահազանգել է ոստիկանություն:
Քիչ առաջ ոստիկանության Մալաթիայի բաժնի ծառայողները՝ բաժնի պետ Արթուր Զոհրաբյանի գլխավորությամբ պարզել են, որ մահացածը Երևան քաղաքի բնակիչ, 67-ամյա Դավիթ Ոսկանյանն էր, ով փաստացի բնակվում էր Մալաթիա-Սեբաստիա վարչական շրջանի Շահումյան 17-րդ փողոցում:
