Դատարանի աշխատակիցներն աստիճան են դրել ու փորձել 2–րդ հարկի պատուհանով ներս մտնել. Sputnik Armenia
Երևանի Քրեական վերաքննիչ դատարանի աշխատակիցները փորձել են դատարանի հետնաբակից մուտք գործել տարածք։ Այս մասին դեպքի վայրից հայտնում է Armeniasputnik am-ը:
«Աշխատակիցներն աստիճան են տեղադրել ու փորձել երկրորդ հարկի պատուհանով ներս մտնել։ Սակայն ցուցարարները նկատել են և թույլ չեն տվել նրանց ներս մտնել»,–ասաց լրատվամիջոցի թղթակիցը։
Ոստիկանների շնորհիվ ցուցարարների և դատարանի աշխատակիցների միջև բախումը կանխվել է։
Հիշեցնենք, որ վաղ առավոտից ցուցարարները փակել են հանրապետության բոլոր դատարանների ելք ու մուտքերը` վարչապետ Նիկոլ Փաշինյանի հորդորով։ Այսօր ՀՀ վարչապետ Նիկոլ Փաշինյանը ժամը 12։00–ին կառավարությունից ուղիղ եթերով հանդես կգա հայտարարությամբ։
