Արցախի ներկա եւ նախկին նախագահներ Բակո Սահակյանն ու Արկադի Տեր–Ղուկասյանը երկուսով վաղը կգան եւ կներկայանան դատարան։ Նման կարծիք է այսօր լրագրողներին հայտնել ՀՀ երկրորդ նախագահ Ռոբերտ Քոչարյանի պաշտպանական խմբի անդամ Հայկ Ալումյանը։ «Կաշխատեն գալ։ Պաշտոնական հանդիպում ունի պարոն Բակո Սահակյանը վաղը, եւ ցանակալի չէր, որ հանդիպմանը չգնա։ Բայց քանի որ դատարանը բացառեց այլ տարբերակ, ես կարծում եմ իրենք երկուսով վաղը կգան եւ կներկայանան դատարան»,-ասաց նա։ Հիշեցնենք, որ Արցախի ներկա ու նախկին նախագահներ Բակո Սահակյանն ու Արկադի Ղուկասյանը հայտարարել են, որ պատրաստ են հանդես գալ ցանկացած հրապարակային երաշխիքով, որպեսզի Ռոբերտ Քոչարյանը մեկուսարանից ազատ արձակվի եւ դատավարության ողջ ընթացքում ազատության մեջ լինի։ Տեսանյութըՙ News am-ի: