«Հարգելի գործընկերներ, այսօր մեր Հանրապետությունում եռատոն է, չգիտեմ՝ ինչու երկրորդ անգամ միտում եմ տեսնում, չի շնորհավորվում։ Ուզում եմ բոլորին, հայ ժողովրդին շոնրհավորեմ Շուշվա ազատագրման օրվա կապակցությամբ»,- այս մասին այսօր ԱԺ-ում հիշեցրեց «Իմ քայլը» խմբակցության պատգամավոր Սասուն Միքայելյանը՝ ընդգծելով, որ Հանրապետությունում եռատոն է։ Այս հայտարարությունից հետո ԱԺ դահլիճում հնչեցին ծափեր, և Միքայելյանը տեղից վեր կացավ՝ դահլիճից դուրս գալու համար։ «Իսկապես, շնորհավորում եմ բոլորին», - լրացրեց ԱԺ նախագահ Արարատ Միրզոյանը։ Միքայելյանը դեպի դուռը մոտենալու ընթացքում շնորհակալություն հայտնեց Միրզոյանին, իսկ վերջինն էլ նկատեց. «Ձեզ էլ ենք շնորհակալ, որ հիշեցրիք»։