Միհրան Հարությունյանը վերադառնում է ըմբշամարտ

Հունահռոմեական ոճի ըմբշամարտի 2016 թվականի Օլիմպիական փոխչեմպիոն Միհրան Հարությունյանը, որը վերջին ժամանակահատվածում զբաղվում էր խառը մենամարտերով, Instagram-ի իր էջի միջոցով հայտնել է, որ վերադառնում է ըմբշամարտ և կպայքարի Տոկիո-2020-ի ուղեգրի համար։ «Մայիսի 17-ին, Կրասնոդարում, ես նորից կվերադառնամ գորգ, որ սկսեմ ճանապարհս դեպի Տոկիո-2020 և վերցնեմ այն, ինչ իրականում ինձ է պատկանում»,- գրել է հայազգի մարզիկը։