Դավիթ Տոնոյանը տեսակցել է գլխի շրջանում վիրավորում ստացած զինծառայողին

ՀՀ պաշտպանության նախարար Դավիթ Տոնոյանն այսօր այցելել է կենտրոնական հոսպիտալ տեսակցելու պայմանագրային զինծառայող Արգիշտի Սեփխանյանին։ «Բժիշկները ներկայացրեցին Արգիշտիի իրավիճակը, որը գնալով դառնում է ավելի կայուն։ Արգիշտին խոսեց նախարար Դ. Տոնոյանի հետ, պատասխանելով մի քանի հարցերի»,-Facebook-ի իր էջում գրել է նախարարի մամուլի խոսնակ Արծրուն Հովհաննիսյանը: Նախարարի հետ խոսելիս Արգիշտին նշեց, որ չի պատրաստվում երկար պառկել, քանի որ. «Իր պոստերին տիրություն անել է պետք»։ Ավելի վաղ հայտնել էինք, որ պայմանագրային զինծառայողը վիրավորում է ստացել ապրիլի 30-ին Տավուշի մարզի Բարեկամավանի գյուղի դիրքերում։