«Սուրբ Սարգիս» եկեղեցու աշխատակիցը գանձանակից փող է հափշտակել
Ապրիլի 27-ին ոստիկանության Սեւանի բաժնի ծառայողները, ստացված օպերատիվ տվյալներն իրացնելով, գողություն կատարելու կասկածանքով, Սեւան քաղաքի Նաիրյան փողոցից բերման են ենթարկել 1959 թ. ծնված Մերուժան Մ.-ին: Ոստիկանությունից հայտնում են, որ օպերատիվ տեղեկություններն իրացնելիս ոստիկանության Սեւանի բաժնում Մերուժան Մ.-ն տվել է խոստովանական բացատրություն, որ 2014 թ. աշխատելով Գեղարքունյաց թեմի Ծաղկունք համայնքի «Սուրբ Սարգիս» եկեղեցում պահակ եւ մոմավաճառ՝ տարբեր օրերի, օգտվելով եկեղեցու գանձանակի բանալին իր մոտ գտնվելու հանգամանքից, գաղտնի հափշտակել է տարբեր չափի գումարներ: Վնասի չափը պարզվում է: Նախապատրաստվում են նյութեր:
