Ներկա պահին փակ է Աբովյան պուրակը դեպի Մյասնիկյան պողոտա
Ներկա պահին փակ է Աբովյան պուրակը դեպի Մյասնիկյան պողոտա: Ավրորա Մեդիայի աղբյուրները հայտնում են, որ թունելում բեռնատարը հարվածել է բետոնե տանիքին ու մնացել ներսում արգելափակված: Տեղում են, թե ՃՈ եւ թե ԱԻ նախարարության աշխատակիցները: Աբովյան պուրակը փոքրիկ թունելով դեպի Մյասնիկյան պողոտա փակ կլինի մոտ 2 ժամ: Անհարկի խնդիրներից խուսափելու համար, դեպի Մյասնիկյան բարձրանալու համար ընտրեք Խանջայն Հերացի հատվածը: Նշենք, որ սա այս թունելում առաջին դեպքը չէ: Օրերս էլ նույն տեղում արգելափակվել էր վրացական համարանիշներով մի բեռնատար: Վարորդները շատ հաճախ չեն պատկերացնում նշյալ թունելի բարձրությունը: Այստեղ խիստ կարեւոր է նաեւ այն հանգամանքը, որ թունելի բարձրության մասին ցուցանակը կախված է հենց մուտքի մոտ, երբ այլեւս հնարավոր չէ ոչ մի բան անել:
