Ո՞ւր պիտի փախնեն, երկրագունդը փոքր ա. Փաշինյանը` «Գոնսալեսի», «Բուլկի Արամի» և «Քեթրինի Միհրանի» մասին
Վարչապետ Նիկոլ Փաշինյանն այսօր լրագրողների հետ զրույցում անդրադարձավ հետախուզման մեջ գտնվող հայտնի անձանց: Հարցին, որ Գոնսալեսը Պրահայում է, տեսադաշտից կորել է բնապահպանության նախկին նախարար Արամ Հարությունյանը, մյուսներին նույնպես չեն կարողանում հայտնաբերել, ինչո՞ւ է այս իրավիճակը, նա պատասխանեց. «Արամ Հարությունյանը պատգամավորի կարգավիճակն օգտագործեց և տեսադաշտից կորավ: Քանի դեռ պատգամավորական անձեռնմխելիությունից նա զրկված չէր, որևէ մեկը գորոծղություն չէր կարող իրականացնել”:
ԴԱՀԿ նախկին պետ Միհրան Պողոսյանը ևս, ըստ վարչապետի, պատգամավորական անձեռնմխելիությունից օգտվելով՝ դուրս է եկել ՀՀ-ից:
“Ի՞նչ կա այդտեղ զարմանալի: Եթե նրանց պատգամավորական անձեռնմխելիության պայմաններում ձերբակալեին, հիմա դուք բոլորդ պետք է ասեիք՝ բա ո՞ւր մնաց օրենքը, օրինականությունը, բա ո՞ւր մնաց օրենքի գերակայությունը: Բայց ո՞ւր պիտի փախնեն, երկրագունդը փոքր ա»,- ասաց Փաշինյանը:
