Մանվել Գրիգորյանին պատկանող 40 անշարժ գույք համայնքին վերադարձնելու գործընթաց է սկսվել. factor. am

Սկսվել է Մանվել Գրիգորյանին պատկանող կամ նրա կողմից վարձակալությամբ տնօրինվող 40 անուն անշարժ գույքը համայնքին վերադարձնելու գործընթաց։ Factor. am-ի հետ զրույցում Տարածքային կառավարման և զարգացման նախարարության իրավաբանական բաժնի գլխավոր մասնագետ Սիրանույշ Աբրահամյանը ներկայացրեց գործընթացի այս փուլի աշխատանքները: «Այժմ մեր նախարարության վարչական վերահսկողության վարչության աշխատակիցները ուսումնասիրություններ են կատարում Արմավիրի մարզի համապատասխան համայնքներում, մասնավորապես՝ ուսումնասիրվում են համապատասխան փաստաթղթեր, որոնք հավաքագրելուց և ամփոփելուց հետո պատրաստվում ենք դիմել դատարան։ Այդ հողատարածքները Մանվել Գրիգորյանին աճուրդով են տրամադրվել, փորձում ենք պարզել՝ ինչ կարգով է տեղի ունեցել աճուրդը, օրինակա՞ն է, թե՝ ոչ։ Կդիմենք դատարան, որպեսզի առ ոչինչ ճանաչվեն համայնքի ղեկավարների որոշումները՝ տարածքները Մանվել Գրիգորյանին տրամադրելու վերաբերյալ, ինչից հետո այդ բոլոր հողերը կվերադարձվեն համայնքներին»,- Factor. am-ի հետ զրույցում ներկայացրեց Սիրանույշ Աբրահամյանը։ Ըստ նրա՝ խոսքը գնում է հիմնականում հողատարածքների մասին, որոնք վարձակալությամբ են հանձնվել Գրիգորյան ընտանիքի անդամներին։ Ուսումնասիրությունների գործընթացը, ըստ Սիրանույշ Աբրահամյանի, սկսվել է մոտ մեկ ամիս առաջ և արդեն ավարտին է մոտենում։ Մանրամասները` սկզբնաղբյուր կայքում: