ԼՈՒՍԱՆԿԱՐ․ BMW X5-ը մեքենաների տուգանային հրապարակում վերածվել է մոխրակույտի
Արտակարգ դեպք է տեղի ունեցել Երևանի ՃՈ պահպանվող հատուկ տարածքում։ Երեկ՝ ապրիլի 18-ին, Ժամը 12։10-ի սահմաններում արտակարգ իրավիճակների նախարարության փրկարար ծառայության 9-11 օպերատիվ կառավարման կետրոն ահազանգ է ստացվել, որ դեռևս անհայտ պայմաններում հրդեհ է բռնկվել Երևանի «գաի պլաշչադկայում» գտնվող BMW X5 մակնիշի 70 NO 070 համարանիշի ավտոմեքենայում։
Ինչպես հայտնում է Shamshyan. com-ը, օպերատիվորեն ժամանել են հրշեջները, ովքեր Երևանի ճանապարհային ոստիկանության ծառայողների հետ նախ կանխել են կրակի տարածումը, ապա մարել այն։ Ըստ նախնական տեղեկությունների՝ բարեբախտաբար, տուժածներ չկան ու եթե հրշեջներն ճանապարհային ոստիկանները օպերատիվ չգործեին, ապա կրակը կտարածվեր ողջ տուգանային հրապարակում, և չէր բացառվի՝ այլ ավտոմեքենաներ էլ այրվեին։ Ամբողջովին այրվել է BMW X5-ը և մասամբ՝ դրա հարևանությամբ կայանված մեկ այլ ավտոմեքենա։
