Մազերից քաշել, գցել գետնին 4-5 անգամ ու բռունցքով հարվածել նրա դեմքին․ ՔԿ
ՀՀ քննչական կոմիտեի Արմավիրի մարզային քննչական վարչությունում կատարված քննչական և դատավարական այլ գործողությունների արդյունքում պարզվել են ամուսնու կողմից կնոջը ծանր մարմնական վնաս պատճառելու դեպքի հանգամանքները: 53-ամյա տղամարդուն մեղադրանք է առաջադրվել:
Ինչպես հայտնում են ՔԿ-ի մամուլի ծառայությունից, քննությամբ ձեռք բերված տվյալների համաձայն՝ 2018թ. հոկտեմբերի 8-ին՝ ժամը 07:00-ի սահմաններում, Արմավիրի մարզի բնակիչը՝ ծնված 1965թ., տան խորդանոցում կենցաղային հարցերի շուրջ վիճաբանել է կնոջ հետ, որի ընթացքում մարմնական վնասվածք պատճառելու դիտավորությամբ հարվածել է 47-ամյա կնոջ դեմքին, մազերից քաշել, գցել գետնին և 4-5 անգամ բռունցքով հարվածել նրա դեմքին:
