Պառավաքար գյուղում շունը կծել է 2 հոգու և սատկել. Առողջապահության նախարարություն

Տավուշի մարզի Պառավաքար համայնքում այսօր արձանագրվել է շան կծելու 2 դեպք, որից հետո շունն անմիջապես սատկել է։ Տուժածներից մեկը 7 տարեկան երեխա է (շունը կծել է ականջի հետին մասը), մյուսը զինվորական է (կծել է սրունքի հատվածը)։ Այս մասին գրառում է կատարվել ՀՀ առողջապահության նախարարության ֆեյսբուքյան էջում: Վերջիններս ստացել են հակակատաղության պատվաստման առաջին ներարկումը, կստանան նաև հակակատաղության իմունոգլոբուլինը։ Տուժածների վիճակը ներկայումս բավարար է և գտնվում են բժիշկների հսկողության ներքո: Շան գլուխը հետազոտելու նպատակով դեպքի մասին տեղեկացվել է Սննդամթերքի անվտանգության տեսչական մարմնին։