Ավագ դպրոցներին լաբորատորիաներ կտրամադրվեն. Արայիկ Հարությունյան
ԱԺ «Իմ քայլը» խմբակցության անդամ Լիլիթ Ստեփանյանը ՀՀ ԿԳ նախարար Արայիկ Հարությունյանից հետաքրքրվեց՝ օրակարգում կա՞ արդյոք կրթության մոդելի փոփոխության հարց:
«Ոչ, չկա»,- արձագանքեց նախարարը:
Ստեփանյանը հետաքրքրվեց՝ այդ դեպքում ինչո՞ւ են խոսում այդ մասին, ինչին Հարությունյանը պատասխանեց.
«Առաջին օրվանից, երբ ես նշանակվել եմ այս պաշտոնին, մամուլում շրջանառվել են նման ֆեյք վերնագրերով լուրեր, որոնք հետո ընդհանուր մթնոլորտ են ստեղծել: Այդպիսի բան հայտարարվել է, եղել են նման առաջարկներ, ցանկացած առաջարկ, երբ արվում է, քննարկվում է, բայց լրջորեն դրան չենք մոտեցել: Հիմա ավագ դպրոցների դերի բարձրացման ուղղությամբ բավական մեծ աշխատանք ենք անում՝ թե՛ ֆինանսական լրացուցիչ միջոցների ներգրավման, թե՛ բովանդակային առումով: Առաջիկայում գրեթե բոլոր ավագ դպրոցներին կտրամադրենք ֆիզիկայի, քիմիայի, մաթեմատիկայի և տնտեսական աշխարհագրության լաբորատորիաները, ավելի քան 300 լաբորատորիայի մասին է խոսքը»:
