Փարիզի Աստվածամոր տաճարի վերականգնման համար օգնություն են տրամադրում տարբեր կառույցներից
Եվրահանձնաժողովը Փարիզի Աստվածամոր տաճարի վերականգնման համար կտրամադրի դրամաշնորհ: Դրամաշնորհը քանակը հայտնի կդառնա այն բանից հետո, երբ ամբողջությամբ հաշվեն պատմական տաճարին հասցված վնասը: Այս մասին հայտարարություն են արել Եվրահանձնաժողովի մամլո ծառայությունում։ Այս մասին տեղեկանում ենք միջազգային լրատվականներից։
Փարիզի Աստվածամոր տաճարի վերականգնման համար 10 միլիոն եվրո է տրամադրելու է Իլ Դե Ֆրանս շրջանի ղեկավարությունը: Այս մասին հայտարարություն է արել շրջանի խորհրդի նախագահը:
Հիշեցնենք՝ հայտնել էինք, որ Ֆրանսիացի գործարարներ Պինոյի ընտանիքը, որը Արտեմիս եւ Կերինգ ընկերությունների սեփականատերն է, 100 մլն եվրո է հատկացրել Փարիզի Աստվածամոր տաճարի վերականգնման համար, որը լուրջ վնասներ է կրել հրդեհի հետեւանքով:
Այս պահին հայտնի է, որ հրդեհի մարման արդյունքում տուժել է մեկ հրշեջ։ Քննիչները հարցաքննել են այն շինարարներին, որոնք զբաղվել են Փարիզի Աստվածամոր տաճարի վերականգնմամբ։ Դատախազությունը կարծում է, որ հրդեհը տեղի է ունեցել տաճարի տանիքի մոտ գտնվող շինարարական անտառներում: Հրդեհի հետեւանքով ոչ դիտավորյալ վնաս հասցնելու գործով հետաքննություն է ընթանում:
