Ինչու երեխային ուղեգիր չի տրամադրվել. Պարզաբանում է Առողջապահության նախարարությունը
ՀՀ առողջապահության նախարարության մամուլի խոսնակ Ալինա Նիկողոսյանը ֆեյսբուքյան իր էջում պարզաբանում է հրապարակել մամուլում շրջանառված այն լուրին, որ «երեխային անհրաժեշտ է վիրահատություն, սակայն պոլիկլինիկայից ուղեգիր չեն տրամադրում` չլինելու պատճառով»:
«Պարզաբանում․
Մամուլում շրջանառվում է, որ «երեխային անհրաժեշտ է վիրահատություն, սակայն պոլիկլինիկայից ուղեգիր չեն տրամադրում` չլինելու պատճառով»:
Դեպքի հետ կապված հարկ է նշել, որ Առողջապահության նախարարության աշխատակազմն այսօր առավոտյան տեղեկացել է խնդրին և հրատապ լուծել հարցը` ծնողին տրամադրելով անհրաժեշտ պետպատվերի ուղեգիրը:
Ինչ վերաբերում է ուղեգրերի դեֆիցիտին, ապա այն պայմանավորված էր գնումների գործընթացի ժամանակ ծագած որոշակի տեխնիկական խնդիրների հետ, որոնք նույնպես արդեն լուծված են»,- գրել է Ալինա Նիկողոսյանը:
