Սիմոն Մարտիրոսյանը դարձավ Եվրոպայի առաջնության կրկնակի չեմպիոն

Ծանրամարտի Հայաստանի տղամարդկանց թիմի անդամ Սիմոն Մարտիրոսյանը վրացական Բաթում քաղաքում ընթացող Եվրոպայի առաջնությունում դարձավ Եվրոպայի առաջնության կրկնակի չեմպիոն: 109 կգ քաշային կարգի պոկում վարժությունում Սիմոն Մարտիրոսյանը նախ բարձրացրել է 187 կգ, այնուհետ` 192 կգ` դառնալով փոքր ոսկե մեդալակիր: Հրում վարժությունում առաջին մոտեցման ժամանակ մարզիկը բարձրացրել է 225 կգ, երկրորդ մոտեցմամբ՝ 235 կգ: Այս ձևում ևս Մարտիրոսյանը նվաճել է փոքր ոսկի: Երկամարտի 427 կգ արդյունքով Սիմոն Մարտիրոսյանը դարձավ 2019 թվականի Եվրոպայի չեմպիոն: