«Գյուղապետի թոռն է կրակել «վինչեսթր» հրացանով՝ ոստիկանների աչքի առաջ». Զարթոնքի բնակիչ. Tert am
«Վաղ առավոտից համայնքապետի կողմից հարձակումներ են եղել մեզ վրա, հարձակվել են բողոքող բնակիչների վրա, ծանր վնասվածքներ ենք ստացել»,- այս մասին Tert am-ի հետ զրույցում ասաց համայնքի բնակիչներից Սեյրան Սահակյանը:
Սեյրան Սահակյանը տեղեկացրեց, որ բնակիչների վրա հարձակումներից հետո, զարթոնքցիները փակել են միջպետական երկաթուղին:
«Գյուղապետի թոռն անձամբ ինձ վրա է կրակել «վինչեսթր» հրացանով՝ ոստիկանների աչքի առաջ»,- ասաց նա: Ճշտող հարցին՝ ոստիկանները քայլեր չե՞ն ձեռնարկել, նա պատասխանեց. «Ոստիկանների ասելով՝ համապատասխան կրակողին տարել են բաժին: Ես ոտքի վնասվածք եմ ստացել, հրազենային վնասվածք, ներկա պահին Մեծամորի հիվանդանոցում եմ»: Դատախազությունից հայտնում են, որ դեպքի վայրում է Արմավիրի մարզի դատախազը, նախնական տվյալներով կան բերման ենթարկվածներ։
Լուսանկարը՝ Tert am
Տեսանյութը՝ lurer 1tv ֆեյսբուքյան էջի
