ՏԵՍԱՆՅՈՒԹ. Ինչ է հայտնի Աստվածամոր տաճարում բռնկված հրդեհի մասին
Ինչպես արդեն հայտնել էինք, հրդեհ է բռնկվել Փարիզի Աստվածամոր տաճարում, ինչի հետևանքով փլուզվել է հոգևոր, մշակութային կառույցի տանիքը:
Այս պահի դրությամբ, հրդեհը մարել դեռևս չի հաջողվել: Այս ուղղությամբ արտակարգ իրավիճակների ծառայությունները ինտենսիվ աշխատանքներ են իրականացնում:
Հայտնի է, որ հրդեհը բռնկվել է տեղի ժամանակով 18:30-ին, սակայն հրշեջները դեպքի վայր են հասել կես ժամ անց:
Հրդեհի հետևանքով զոհերի կամ տուժածների մասին չի հաղորդվում: Տաճարի սրբերի քանդակները նույնպես չեն վնասվել, այլ տեղափոխվել են անվտանգ վայր:
Հիշեցնենք, որ հրդեհի հետևանքով փլուզվել է տաճարի աշտարակի սրաձողը։ Հաղորդվում է նաև, որ փլուզվել է տաճարի ժամացույցը։ Տաճարի այցելուները տարհանվել են։
