ՀՀ երրորդ նախագահ Սերժ Սարգսյանի եղբայրը` Ալեքսանդր Սարգսյանը, ոչ թե հանգստի համար է մեկնել Եվրոպա, այլ առողջական խնդիրներից ելնելով։ Այս մասին NEWS. am-ի հետ զրույցում ասաց Ալեքսանդր Սարգսյանի պաշտպան Միհրան Պողոսյանը։ Նրա խոսքով` այսօր դատարանում Ալեքսանդր Սարգսյանի որդին` Հայկ Սարգսյանը, լրագրողի հարցին ի պատասխան ասել էր, թե Ալեքսանդր Սարգսյանը գնացել է հանգստանալու, քանի որ չի ցանկացել հանրայնացնել հոր`առողջական խնդիրներ ունենալու հանգամանքը։ Նշենք, որ Ալեքսանդր Սարգսյանը մեղադրվում է առանձնապես խոշոր չափերի խարդախության համար: Սարգսյանի նկատմամբ որպես խափանման միջոց էր ընտրվել՝ չհեռանալու մասին ստորագրությունը։ 2019թ. մարտին, սակայն, հայտնի դարձավ, որ գործը քննող քննիչը թույլ է տվել Սարգսյանին լքել ՀՀ տարածքը։