Դուրս է եկել երթևեկելի գոտուց և տապալել լուսացույցը
Ճանապարհային ոստիկանության կողմից նյութեր են նախապատրաստվում ապրիլի 5-ին Երևանում տեղի ունեցած խոշոր ավտովթարի փաստով․ հայտնում է Shamshyan.com-ը։ Ժամը 08:25-ի սահմաններում Պարոնյան և Ձորափի փողոցների խաչմերուկում բախվել են Կոտայքի մարզի Ջրվեժ գյուղի բնակիչ, 27-ամյա Վիգեն Խոցանյանի վարած Volkswagen մակնիշի և Երևանի բնակիչ 37-ամյա Արմեն Միսակյանի վարած Opel մակնիշի ավտոմեքենաները: Opel-ը դուրս է եկել երթևեկելի գոտուց և տապալել խաչմերուկը կարգավորող լուսացույցը: Վթարի հետևանքով Opel-ի ուղևոր, Երևանի բնակիչ 23-ամյա Խորեն Դանիելյանը մարմնական վնասվածքներով տեղափոխվել է «Նաիրի» բժշկական կենտրոն: Ըստ աղբյուրի՝ վարորդներից Վ. Խոցանյանը աշխատում է «Արարատբանկում»՝ որպես վարկային մասնագետ, Ա. Միսակյանը՝ Արարատի գինու-կոնյակի-օղու կոմբինատում, իսկ վիրավոր Խ. Դանիելյանը նույն կոմբինատում՝ որպես պահեստապետ:

Քաղաքականություն

Պատահարներ