Այսօր՝ ապրիլի 3-ին, մահվան ելքով վրաերթ է տեղի ունեցել Երևանում: Ժամը 22:00-ի սահմաններում Երևանի բնակիչ, 28-ամյա Հակոբ Միքայելյանը իր վարած Opel մակնիշի 36 AC 971 համարանիշի ավտոմեքենայով Իսակովի պողոտայում՝ Toyota սերվիսի հարևանությամբ, վերգետնյա անցումի մոտ վրաերթի է ենթարկել փողոցը չթույլատրելի հատվածով անցնող հետիոտնին: Ինչպես դեպքի վայրից հայտնում է ֆոտոլրագրող Գագիկ Շամշյանը, վրաերթի ենթարկվածը տեղում մահացել է: Վարորդը փախուստի չի դիմել, փորձել է օգնություն ցուցաբերել վրաերթի ենթարկվածին: Այս մասին տեղեկանում ենք shamshyan. com-ից: Ոստիկանությունն ու քննչական բաժինը պարզում են մահացածի ինքնությունը: Մինչ քննիչը դեպքի վայրում զննություն էր կատարում, վարորդի ինքնազգացողությունը վատացավ, ում ճանապարհային ոստիկանության 1-ին սպայական գումարտակի 6-րդ դասաի հրամանատար Մառլեն Սարգսյանը իր ծառայողական ավտոմեքենայով տեղափոխեց Աստղիկ բժշկական կենտրոն: