Ապրիլի 3-ին, ժամը 20:25-ին 911 ծառայությանն ահազանգ է ստացվել, որ Երևան քաղաքի Բագրատունյաց փողոցի թիվ 10 հասցեում գտնվող սպորտդպրոցի հանդերձարանում հրդեհ է բռնկվել: Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ: Պարզվել է, որ հրդեհը բռնկվել է Եղիշե Թադևոսյան թիվ 11/1 հասցեում գտնվող «Շենգավիթի համալիր մարզաձևերի մանկապատանեկան մարզադպրոց-ի խորդանոցում։ Հրդեհը մեկուսացվել է ժամը 21:07-ին, մարվել՝ 21:30-ին: Մոտ 20 քմ տարածքում այրվել է չշահագործվող գույք: Հրդեհի հետևանքով տուժածներ չկան: