Ֆրանսիացի հետազոտողներն անհանգաստացած են` երկրում դելֆինները զանգվածաբար ափ են նետվում: Associated Press-ի փոխանցմամբ` 2019-ին արդեն Ատլանտյան օվկիանոսի ափ է նետվել 1100 կաթնասուն։ Այս թվերը գերազանցել են նախորդ տարվա ռեկորդային ցուցանիշը և նույնիսկ դարձել են ամենաբարձր ցուցանիշը վերջին 40 տարվա ընթացքում։ «Երբեք նման քանակություն չի եղել»,- պատմել է Լա Ռոշելի համալսարանի գիտահետազոտական կենտրոնի աշխատակից Բիլի Դոբինը։