ԱԺ նիստը չմեկնարկեց` «Իմ քայլի» պատգամավորները չեն ներկայացել
Խորհրդարանի՝ Կառավարության նախաձեռնությամբ գումարված արտահերթ նիստի աշխատանքները քվորում չլինելու պատճառով չմեկնարկեցին: Նիստի մեկնարկին գրանցվել էր 44 պատգամավոր:
Tert. am-ի հաղորդմամբ` ԱԺ արտահերթ նիստին չէին ներկայացել խորհրդարանական մեծամասնություն համարվող «Իմ քայլը» խմբակցության պատգամավորները: ԱԺ նախագահ Արարատ Միրզոյանը հայտարարեց, որ 4 ժամվա ընթացքում կարող են գալ և գրանցվել, և եթե քվորում կապահովվի, նիստը կգումարեն:
Հիշեցնենք, որ այսօր «Իմ քայլը» խմբակցությունը նախաձեռնել է աշխատանքային այց Արցախ:
