Ռուսաստանում սպանել են հայ գործարար Մհեր Սարաջյանին
ՌԴ Մոսկվայի մարզի Պուտիլկովո գյուղի բնակարաններից մեկում հայտնաբերվել է գործարար Մհեր Սարաջյանի դին: Ռուսական լրատվամիջոցների հաղորդմամբ՝ հանցանքի վայրում ոստիկանությունը հայտնաբերել է խոհանոցային 5 դանակ։
«34-ամյա գործարարի դին հայտնաբերվել է երկուշաբթի երեկոյան: Նրա մահվան պատճառ են դարձել դանակի մի քանի հարվածները»,- գրում է «Московский Комсомолец»-ը:
Հաղորդվում է, որ Մհեր Սարաջյանը շինարարական ընկերություններից մեկի գլխավոր տնօրենն էր:
Դեպքի առթիվ հարուցվել է քրեական գործ:
