Ոստիկանությունում նյութեր են նախապատրաստվում Երևանում տեղի ունեցած ավտովթարի փաստով: Ինչպես հայտնում է Shamshyan.com-ըՙ մարտի 24-ին Ժամը 04:30-ի սահմաններում Բագրատունյաց փողոցի 14 հասցեի դիմաց բախվել են Երևան քաղաքի ներքին Շենգավիթ թաղամասի բնակիչ, 60-ամյա Սամվել Հունանյանի վարած ВАЗ 2106 մակնիշի 68 ՕԼ 587 համարանիշի, Երևան քաղաքի Նորք Մարաշ թաղամասի բնակիչ, 27-ամյա Գառնիկ Սիմոնյանի վարած Opel մակնիշի 35 NQ 693 համարանիշի և Երևան քաղաքի Մանթաշյան փողոցի բնակիչ, 52-ամյա Խաչատուր Մելիքյանի վարած Mercedes մակնիշի 35 AM 120 համարանիշի ավտոմեքենաները: Ֆոտոլրագրողի փոխանցմամբՙ վթարի հետևանքով վարորդներից Խ. Մելիքյանը և Գ. Սիմոնյանի ուղևոր, Նորք Մարաշի բնակիչ, 17-ամյա Գևորգ Հովսեփյանը մարմնական վնասվածքներով տեղափոխվել են Էրեբունի բժշկական կենտրոն: Գ. Շամշյանի տեղեկություններով՝ վարորդներից Ս. Հունանյանը ոստիկանությունում հայտնել է, որ ինքը աշխատում է բիլիարդի ֆեդերացիայի փոխնախագահ: