Ուրուգվայցի երգչուհի և դերասանուհի Նատալյա Օրեյրոն հրապարակավ դիմել է Ռուսաստանի Դաշնության նախագահ Վլադիմիր Պուտինին՝ նրանից ռուսական անձնագիր խնդրելով: Լատինամերիկյան աստղն այսպիսի խնդրանքով է դիմել «Երեկոյան Ուրգանտ» հեռուստաշոուի ժամանակ: Օրեյրոն իր խոսքում ընդգծել է, որ առնվազն 15 անգամ Ռուսաստանում է եղել: Երգչուհու պնդմամբ՝ «ինքն ավելի շատ ռուս կլինի, քան ՌԴ անձնագիր ստացած ֆրանսիացի դերասան Ժերար Դեպարդյոն»: Նշվում է, որ Օրեյրոն մեծ ճանաչում ունի Ռուսաստանում ու միշտ սպասված հյուր է այնտեղ: