Ճիշտ կլինի՝ հարգելի սևազգեստ մայրերին իրենց փաստաբանները ներկայացնեն. Փաշինյան
Իրավիճակը ճիշտ հասկացեք: Կա նախաքննություն եւ կա կառավարություն: Որպեսզի առաջ գնանք, ճիշտ կլինի, որպեսզի հարգելի մայրերին ներկայացնեն իրենց փաստաբանները, որոնք կասեն, թե նախաքննության մեջ ինչն է սխալ եւ ինչն է արվել ոչ պատշաճ: Մամուլի ասուլիսի ժամանակ սևազգեստ մայրերի խնդրին վերաբերող հարցի մասին ասաց վաչապետ Նիկոլ Փաշինյանը:
Նրա խոսքով՝ եթե փաստաբանները ներկայացնեն խնդիրը, դա կօգնի ճշմարտությունը բացահայտվելուն, եթե ինչ-որ բան այնպես չի արվել։ Փաշինյանը հիշեցրեց, որ բողոքող մայրերի հետ ամիսներ առաջ արդեն ունեցել է հանդիպում-քննարկում, որից հետո հանձնարարել է գործերի ընթացքը ստուգել․
«Հանձնարարականի պատասխանը «նորմալ» է եղել: Երբ կոնկրետ բան չի մատնանշվում, դա այլ իրավիճակ է: Ես չեմ կարող նախաքննություն վարել, դա չի բխում իմ կարգավիճակից: Ես երաշխավոր եմ, բայց պետք է կոնկրետ ասվի, թե ինչն է այդ գործերում սխալ: Կռվան պետք է լինի»,-նշեց վարչապետը:
