Իտալիայի նախկին վարչապետի գործով վկային թունավորել են ռադիոակտիվ նյութերով

Նախնական տվյալներովՙ մարոկկացի պարուհի Իման Ֆադիլի մահը, ով Իտալիայի նախկին վարչապետ Սիլվիո Բեռլուսկոնիի գործով վկայի կարգավիճակ ուներ, վրա է հասել ռադիոակտիվ նյութերից թւնավորման հետևանքով: Այս մասին հայտնում է իտալական ANSA գրծակալությունըՙ հղում կատարելով Իտալիայի դատախազությանը: Հիշեցնենք, որ 2013 թ.-ին Բեռլուսկոնին դատապարտվել էր 7 տարվա ազատազրկման անչափահաս մարմնավաճառի հետ սեռական կապ ունենալու համար: Բեռլուսկոնին մարմնավաճառուհիների հետ երեկույթներ էր անցկացնում Միլանի իր վիլլայում: 2014 թ.-ին նախկին վարչապետի պաշտպանական թիմը հասավ վճիռը բեկանելուն, սակայն ծատ չանցած դատախազությունը նր հետաքննություն սկսեց: Այս անգամ Բեռլուսկոնիին մեղադրում էին կեղծ վկայությունների համար վկաներին կաշառելու համար: Իման Ֆադիլը նոր գործով վկաներից մեկն էր: Ըստ The Times-իՙ Ֆադիլը պետք է հայտներ, որ Բեռլուսկոնին լռության դիմաց խոշոր գումարներ է տվել իր երեկույթներին աշխատղ կանանց: Ինչպես նաև նա լռության դիմաց վճարել է նաև երեկույթների հյուրերին: Քննության տվյալներովՙ այդ նպատակով ծախսվել է մոտ 10 միլիոն եվրո: Ֆադիլին հսպիտալացրել են հունվարի 29-ին, սակայն մարտի 1-ին 34-ամյա կինը մահացել է: