20:00 Լուրերը մեկ տողով. Փաշինյան-Պուտին հեռախոսազրույց. Բաքվի ապօրինի դատավարություն

Անցած ժամվա լուրերը՝ հակիրճ և բովանդակային.

•Նիկոլ Փաշինյանը Վլադիմիր Պուտինի հետ հեռախոսազրույցում բարձրացրել է հայկական ապրանքների արտահանման սահմանափակումների հարցը և անդրադարձել ԵՄ-ին անդամակցության հնարավոր հանրաքվեի թեմային։

•Սահմանամերձ բնակավայրերում բնակապահովման պետական աջակցության ծրագրից արդեն օգտվել է շուրջ 3,300 ընտանիք։

•Հայաստանում առաջարկվում է սահմանել մթնոլորտային երևույթների վրա ակտիվ ներգործության, այդ թվում՝ հակակարկտային աշխատանքների իրականացման միասնական կարգ։

•Բաքվում ընթացող «դատական նիստում» դատախազները մեղադրանքներ են ներկայացրել Լեռնային Ղարաբաղի ռազմաքաղաքական նախկին ղեկավարների և մյուս հայ բանտարկյալների դեմ։

•Ռուսաստանի նախագահի հրամանագրով երկրի Զինված ուժերի հաստիքային թվաքանակն ավելացվել է 25 հազարով՝ հասնելով ավելի քան 2.4 միլիոնի։

•Միջնորդները առաջընթաց են արձանագրել ԱՄՆ-ի և Իրանի միջև բանակցությունները վերսկսելու և լայնամասշտաբ պատերազմը կանխելու փորձերում։

•Դոնալդ Թրամփը հայտարարել է Իրանի հետ ինտենսիվ բանակցությունների մասին՝ ընդգծելով, որ դրանց ձախողման դեպքում կվերսկսվեն վճռական ռազմական գործողությունները։

•Հայաստանի շախմատի հավաքականի անդամ Ռոբերտ Հովհաննիսյանը դարձել է «Dole Open 2026» միջազգային մրցաշարի հաղթող։