Թունիսի մայրաքաղաքում 11 նորածին երեխա է մահացել, հաղորդում է BBC News-ը: Ըստ Թունիսի առողջապահության նախարարության՝ երեխաները մահացել են սեպտիկ շոկից: Facebook սոցցանցի Թունիսի մանկաբույժերի խմբում համարում են, որ նորածինների մահը կարող էր հրահրվել վարակով, որը հայտնվել էր օրգանիզմում ներերակային ներարկման հետեւանքով: Երկրի վարչապետը հայտարարել է, որ նորածինների մահվան գործով անցկացվում է հետաքննություն, եւ հիվանդանոցը ստուգվում է բժշկական, դեղագործական ու հիգիենիկ առումներով: Նշվում է, որ առողջապահության նախարարը հրաժարական է տվել իր նշանակումից ընդամենը չորս ամիս անց: