ՏԵՍԱՆՅՈՒԹ. «Ռեստարտի» տղաները փորձում են Նարեկ Մալյանին աղբարկղը նետել
«Ռեստարտ» նախաձեռնությունը հրապարակել է հասարակական գործիչ Նարեկ Մալյանի վրա կատարված հարձակման տեսանյութը: «Ռեստարտ»-ի անդամներն իրենց ֆեյսբուքյան էջում հայտնել են, որ Մալյանին չեն վիրավորել, չեն հայհոյել, չեն ծեծել և նպատակ չեն ունեցել նրան վնասելու։
Հիշեցնենք` կեսգիշերին Նարեկ Մալյանն իր տան մոտ` Ամիրյան փողոցում ենթարկվել է հարձակման: Ֆեյսբուքյան գրառումներով ու տեսակապով նա ներկայացրել է միջադեպի մանրամասները։
Ըստ նրա՝ 8-10 հոգով հարձակվել են իր վրա։ Խումբը գլխավորել է «Ռեստարտ» նախաձեռնության անդամ Դավիթ Պետրոսյանը:
Ավելի ուշ, «Ռեստարտ»-ի տղաները խոստովանել են, որ Նարեկ Մալյանի վրա հարձակվողներն իրենք են եղել:
Ոստիկանությունը տեղեկացրել է, որ գործով նախապատրաստվում են նյութեր:
Տեսանյութը` Restart Times ֆեյսբուքյան էջի:
