Իրանում մոտ 30 ադրբեջանցի ակտիվիստ է ձերբակալվել Նիկոլ Փաշինյանի` Սպահան կատարած այցի դեմ բողոքի ցույց անելու համար: Իրենց բարկացրել է այն, որ հայ համայնքի հետ հանդիպման ժամանակ "Արցախը Հայաստան է և վերջ" գրությամբ պաստառ է եղել: Gunaz. tv-ն հաղորդում է, որ մարտի 2-ին աշխատավայրում ձերբակալվել է ակտիվիստ, ծագումով ադրբեջանցի Յուսիֆ Սալահշուրին, իսկ մարտի 1-ին ֆուտբոլային հանդիպումից հետո մարզադաշտից դուրս գալիս ձերբակալվել էր նաև 28 ադրբեջանցի: Թավրիզի մարզադաշտում «Տրակտորսազի» ֆուտբոլային թիմի ադրբեջանցի երկրպագուներն ամբողջ խաղի ընթացքում Արցախի պատկանելիության մասին կարգախոսներ են վանկարկել եւ այրել ՀՀ դրոշը: