Էքստրասենսի սպանության համար դատապարտված Մուշեղ Մխիթարյանը ընկերների հետ հացադուլ է սկսել
Էքստրասենս Անի Մաջնունյանի սպանության համար 20 տարվա ազատազրկման դատապարտված Մուշեղ Մխիթարյանը երեկվանից հացադուլ է սկսել «Նուբարաշեն» ՔԿՀ–ում։ Այս մասին NEWS. am–ին հայտնեց Մխիթարյանը։
Նա նշեց, որ պահանջում է իր նկատմամբ քննված քրեական գործն ուղարկել հետաքննության։ Դատապարտյալը տեղեկացրեց, որ իրենց նկատմամբ քննված քրեական գործերի հետ կապված հացադուլ են հայտարարել նաև կալանավայրի իր ընկերները՝ Վաչագան Ադալյանը և Արա Մկրտչյանը։
Մխիթարյանը նաև հայտնեց, որ առաջիկայում պատրաստվում է դիմել քրեակատարողական ծառայությանը՝ կալանավայրում մամուլի ասուլիս հրավիրելու պահանջով։
Հիշեցնենք, որ Երևան քաղաքի ընդհանուր իրավասության դատարան դատավոր Վարդան Աբրահամյանը 2018թ. մարտի 5–ի դատավճռով Մուշեղ Մխիթարյանը մեղավոր էր ճանաչվել և դատապարտվել 20 տարվա ազատազրկման։
