ՏԵՍԱՆՅՈՒԹ. Ռուսաստանում կալանավորված բժիշկն ազատության մեջ է
«Շնորհակալ եմ բոլորից, ովքեր մասնակցել են ստորագրահավաքին, որի շնորհիվ ես այսօր գտնվում եմ ազատության մեջ: Բավականին ծանր պայմաններ էին, բայց դժվարություններ առջևում էլ կան: Ունենք պայքար դատարաններում, համոզված եմ, որ արդարությունն իմ կողմն է: Ես իմ ամեն մի քայլի համար կարող եմ ստորագրել»:
Այս մասին տեսաուղերձում հայտնեց ՌԴ-ում կալանավորված բժիշկ Գեւորգ Ստեփանյանը, որի խափանման միջոցը փոխարինվել էր չհեռանալու մասին ստորագրությամբ, եւ արդեն մի քանի օր է՝ նա ազատ է արձակվել։
«Հավատացեք՝ բավականին դժվար է Ռուսաստանում հասնել արդարությանը, ու մի ուժով չէ, որ կարող է դա տեղի ունենալ․ բավականին մեծ ջանքեր են դրվել, որպեսզի ես ազատ արձակվեմ, ու կարողանամ իմ պայքարը տանել ազատության մեջ:
Ես ավելի քան համոզված եմ, որ արդարությունը իմ կողմն է․ այս բառը հենց այնպես չեմ օգտագործում, որովհետեւ ես իմ ամեն մի քայլը գիտեմ, ես գիտեմ՝ ինչ եմ արել, ես գիտեմ՝ ինչպես եմ արել, ու ամեն մի քայլիս համար կարող եմ ստորագրել։ Մեզ այսօր մի քանի բան է պակասում՝ դատաբժշկական փորձաքննության պատասխանը, որը շուտով կլինի, եւ հենց պատրաստ լինի՝ պարզ կլինի, թե ում մեղքը որտեղ է։ Ես ավելի քան համոզված եմ, որ անմեղ եմ։»,- հայտարարել է նա։
