Արտակ Զեյնալյանը՝ երեկ ինքնասպան եղած կալանավորի մասին

«Անձը, որը ինքնասպանություն է գործել, եղել է կարանտինի մեջ, առանձին խցում նույն հոդվածով մեղադրվող մեկ այլ անձի հետ։ Հոգեբանները աշխատելիս են եղել նրա հետ, մինչև վերադարձել են մյուսը արդեն անշնչացած է եղել։ Այդպիսի դեպքեր լինում են, անցած տարի էլ էր եղել։ Իհարկե, ցավալի է», - այս մասին այսօր լրագրողների հետ զրույցում ասաց ՀՀ արդարադատության նախարար Արտակ Զեյնալյանը։ Պարոն Զեյնալյանը ներկայացրեց մանրամասներ․ «Ով չգիտի, ասեմ՝ երբ կալանավորին տեղափոխում են ՔԿՀ, պետք է գտնվի կարանտինի մեջ: Հոգեբաններն աշխատելի ես եղել նրանց հետ, երկու հոգի են եղել խցում, երկուսն էլ նույն տիպի արարքի մեջ են մեղադրվելիս եղել: Մեկի հետ հոգեբաններն աշխատելիս են եղել, մինչև վերադարձել են, մյուսն արդեն անշնչացած է եղել: Մեղադրվում է անչափահաս երեխային բռնաբարելու մեջ»։ Նախարարը հավելեց, որ ինքնասպան եղած դատապարտյալն արդեն երկու անգամ պատիժ կրել է, սա ձերբակալության երրորդ դեպքն էր: Հիշեցնենք՝ երեկ «Նուբարաշեն» ՔԿ հիմնարկի 1-ին մասնաշենքի 10-րդ խցում հայտնաբերվել է տասնչորս տարին չլրացած անձի նկատմամբ բռնաբարության մեջ մեղադրվող, 54-ամյա Մ.Պետրոսյանի դին՝ պատուհանի ճաղավանդակից կախված վիճակում: