Կրակոցներ Մեքսիկայում. կան զոհեր և վիրավորներ

Մեքսիկայի առողջարանային Կանկուն քաղաքի սրճարաններից մեկում հրաձգության հետևանքով հինգ մարդ է զոհվել, ևս 5-ը վիրավորվել են: Այս մասին հայտնում էГазета-ն: Կինտանո Ռոո նահանգի գլխավոր դատախազը, վկայակոչելով միջադեպի ականատեսներին, հայտնել է, որ հինգ զինված անձ ներխուժել է սրճարան և կրակ բացել հաճախորդների ուղղությամբ: Բոլոր տուժածները հոսպիտալացվել են: Միջադեպից հետո հանցագործներն ավտոմեքենայով հեռացել են դեպքի վայրից: Ոստիկանությունը պարզում է հրաձգության շարժառիթները: