Գայի պողոտայում բախվել են 3 մեքենա և 1 ավտոբուս. պատճառը մերկասառույցն էր
Այսօր առավոտյան Ավրորա Նյուզը զանգեր էր ստացել վարորդներից, որ Գայի պողոտան՝ մասնավորապես 4-րդ մասիվի մոտ, մերկասառույց է: Մեր լրատվականը տեղյակ էր պահել քաղաքապետերանի 1-05 թեժ գծին: Քիչ անց Ավրորա Նյուզին տեղեկացրեցին, որ աղ ու ավազ ցանվել է, մերկասառույցը վերացված է, բայց պարզվում է, որ մինչ այդ վթար ենք ունեցել: Ինչպես տեղից հայտնում է ֆոտոլրագրող Գագիկ Շամշյանը, դիտահորից հոսող կոյուղաջուրը Գայի պողոտայի մի ահագին հատված վերածել է սահադաշտի, ճանապարհը դարձնելով դժվարանցանելի, ինչի հետևանքով բախվել են Opel Astra, Toyota Corolla, Mercedes մանկինշի մեքենաները և թիվ 4 երթուղին սպասարկող ավտոբուսը։ Ըստ նախնական տեղեկությունների՝ վթարի հետևանքով 1 հոգի տեղափոխվել է հիվանդանոց։ Բախման հետևանքով Mercedes-ը շրջվել է եւ հայտնվել է բետոնե եզրաքարի վրա։ Դեքպի վայրում հավաքվածներն ասում էին, որ վթարից հետո նոր միայն բարեհաճել են Նոր Նորք վարչական շրջանի պատասխանատուները, ովքեր սկսել են ճանապարհի մշակման աշխատանքներ կատարել, լցնելով աղ ու ավազ։
Լուսանկարը՝ Գագիկ Շամշյանի
