Իրանում պայթյունի հետևանքով ավելի քան 40 զոհ կա. 20 մարդ տուժել է
Իրանում որոտացած պայթյունի հետևանքով զոհերի թիվը հասել է 41-ի: Այս մասին հայտնում է РИА Новости-ն:
«Զոհերի թիվը հասել է 41-ի, որոնց թվում են Իրանի «Իսլամական հեղափոխության պահակների կորպուսի» անդամներն ու խաղաղ բնակիչները»,- ասվում է «Ֆարս» գործակալության թվիթերյան հաղորդագրության մեջ:
Ավելի վաղ հաղորդվում էր 20 զոհի և ևս 20 վիրավորի մասին: Նշվում էր, որ զոհվածները զինվորականներ են: Պայթյունն իրականացրել է մահապարտ ահաբեկիչը, սակայն ոչ մի ահաբեկչական կազմակերպություն դեռևս չի ստանձնել կատարվածի պատասխանատվությունը:
