Մահվան ելքով վրաերթՙ Գեղարքունիքի մարզում
Այսօր՝ փետրվարի 12-ին, մահվան ելքով վրաերթ է տեղի ունեցել Գեղարքունիքի մարզում:
Ինչպես հայտնում է shamshyan.com-ը, ժամը 19:15-ի սահմաններում Սևան քաղաքի բնակիչ, 42-ամյա Հայկազ Գրիգորյանը իր վարած Opel մակնիշի 51 QQ 900 համարանիշի ավտոմեքենայով Երևան-Սևան–Իջևան ավտոճանապարհի 75-րդ կմ հատվածում Սևանի վարչական տարածքում, դեպի Երևան ընթանալիս, վրաերթի է ենթարկել հետիոտն, Տավուշի մարզի Ոսկեպար գյուղի բնակիչ, 51-ամյա Էլիման Պապյանին:
Ինչպես դեպքի վայրից հայտնում է ֆոտոլրագրող Գագիկ Շամշյանը, վարորդը փախուստի չի դիմել, օգնել է վրաերթի ենթարկվածին տեղափոխել Սևանի հիվանդանոց, սակայն վերջինը վերակենդանացման բաժանմունքում գիտակցության չգալով՝ մահացել է:
Դեպքի վայրում հավաքվածներն ասում էին, որ վրաերթի ենթարկվածը ձուկ գնելիս է եղել և Opel-ը վրաերթի է ենթարկել նրան:
