Պայթյուն և հրդեհ՝ Մոսկվայի կենտրոնում․ Կան զոհեր և վիրավորներ
Հրդեհ է բռնկվել ՌԴ մայրաքաղաք Մոսկվայի կենտրոնում գտնվող բնակելի շենքերից մեկում։ Այս մասին հաղորդում է РИА Новости-ն։ Տարհանվել են 42 բնակիչներ, որոնցից 8-ը երեխաներ են։
Փրկարարների տեղեկություններով՝ 4 մարդ զոհվել է, ևս 3-ը՝ վիրավորվել։
Ավելի վաղ հաղորդվում էր, որ հրդեհ է բռնկվել շինության 4-րդ և 5-րդ հարկերում։ Հրդեհի հետևանքով փլուզումներ են եղել։ Հրդեհը բռնկվել է գիշերը։ Այն հնարավոր է եղել մարել միայն տեղի ժամանակով առավոտյան 5-ին։
Արտակարգ իրավիճակների ծառայությունից հայտնում են, որ դեպքի վայրում պայթյունի ձայն է լսվել, հնարավոր է ՝ պայթել են համակարգում գազի մնացորդները կամ էլ բալոններ։
Հարուցվել է քրեական գործ։
