ՏԵՍԱՆՅՈՒԹ․ Ինչու է Փաշինյանի ավտոշարասյունը խախտել Երթևեկության կանոնները․ Պարզաբանում
Համացանցում տարածվել է մի տեսանյութ, որում երևում է, թե ինչպես է կառավարական ավտոշարասյունը երթևեկում Երթևեկության կանոնների կոպիտ խախտումներով։ Տեսանյութի հեղինակը նշում է, որ ավտոշարասյունը սպասարկում է վարչապետ Նիկոլ Փաշինյանին։
Դեպքի վերաբերյալ Aurora News-ը զրուցեց վարչապետի մամուլի խոսնակ Վլադիմիր Կարապետյանի հետ։ Վերջինս նշեց, որ Նիկոլ Փաշինյանը այդ ժամանակ մեքենայում չի եղել։
"Նա ոտքով անցել է փողոցը, և, որովհետև դա անսպասելի է եղել, ավտոշարասյունն անվտանգության նկատառումներից ելնելով մոտեցել է վարչապետին։ Օրենքը համապատասխան կարգավորում նախատեսում է։ Եվ վերջում, վարչապետը մշտապես հետևում է երթևեկության կանոններին և օրենքով նախատեսված ընթացակարգերին",- մեզ հետ զրույցում ասաց խոսնակը։
Տեսանյութը՝ Arm Tube յութուբյան էջի։
