Փաշինյանը Դավոսում հանդես կգա որպես բանախոս
ՀՀ վարչապետ Նիկոլ Փաշինյանը կմասնակցի հունվարի 22-ից 25-ը կայանալիք Դավոսի համաշխարհային տնտեսական համաժողովին: Վարչապետը կմասնակցի համաժողովի՝ «Ձևավորելով ժողովրդավարության ապագան» խորագրով թեմատիկ քննարկմանը՝ հանդես գալով որպես բանախոս:
Այս մասին տեղեկանում ենք Դավոսի համաշխարհային տնտեսական ֆորումի պաշտոնական կայքից:
Հիշեցնենք, որ Փաշինյանը նախօրեին Դավոսի համաշխարհային տնտեսական ֆորումի պաշտոնական կայքում հոդված էր հրապարակել, որտեղ անդրադարձել էր 2018թ.-ի գարնանը Հայաստանում տեղի ունեցած թավշյա հեղափոխությանը, Հայաստանի տնտեսության զարգացման տեսլականին:
