ՏԵՍԱՆՅՈՒԹ․ Լուկաշենկոն չի պատմում, թե ես ինչ եմ ասել․ Նիկոլ Փաշինյան
Պարոն Լուկաշենկոն ասում է՝ ես սա ասացի, ես այսպես ասացի, բայց նա չի ասում՝ ե՛ս ինչ ասացի: Այս մասին Դիլիջանում, լրագրողների հետ զրույցում ասել է ՀՀ վարչապետի պաշտոնակատար Նիկոլ Փաշինյանը՝ անդրադառնալով Բելառուսի նախագահ Ալեքսանդր Լուկաշենկոյի հայտարարություններին:
«Ես ամսի 7-ին եկել եմ, լրագրողներն ինձ հարցրել են, ասել են՝ խոսակցություն եղե՞լ է, ես ասել եմ՝ այո՛, եղել է խոսակցություն: Խնդրել են մանրամասներ, ես ասել եմ՝ չեմ կարող, որովհետև կոռեկտ չեմ համարում դռնփակ նիստի մանրամասները ներկայացնել»,- նշել է նա։ Նիկոլ Փաշինյանը՝ վստահեցնելով, որ Ալեքսանդր Լուկաշենկոյի բարձրացրած բոլոր հարցերին տեղում կոնկրետ պատասխաններ են տրվել:
