Մանվել Գրիգորյանի դեմ նոր բողոք է ստացվել

Իրավապահ մարմինները շարունակում են տարբեր քաղաքացիներից բողոքներ ստանալ դեռեւս ԱԺ պատգամավոր Մանվել Գրիգորյանի կողմից կատարված ապօրինությունների վերաբերյալ, հաղոքրդում է «Փաստինֆոն»: Հավաստի տեղեկություններով՝ հաղորդումները վերաբերում են ոչ միայն Արամավիրի տարածքին, այլ նաեւ Երեւանին։ Մասնավորապես Երեւանի բնակիչը հայտնել է, որ տարիներ առաջ՝ 1990-ականների սկզբներին Դոսաֆից գնել է Ալավերդյան 16 հասցեին հարակից 40 ք/մ տարածք, որն օգտագործել է որպես օդամղիչ հրաձգարան: Իսկ 1997թ. Մանվել Գրիգորյանը և նրա կողմնակիցներա իրեն սպառնացել են ու քանդել հրաձգարանը, հափշտակել նշված տարածքը: