Վարչական լծակների վրա հույս չենք դրել, ակտիվ քարոզարշավ ենք իրականացրել, շփվել հանրության հետ։ Այս մասին այսօր քվեարկությունից հետո ասաց ՀՀԿ համապետական ցուցակը գլխավորող Վիգեն Սարգսյանը: Ըստ նրա՝ ՀՀԿ-ի ուղերձը հասել է մարդկանց, և նրանք իրենց ձայնը կտան և կվստահեն ՀՀԿ-ին՝ որպես հակակշիռ ուժ: «Ես հույս ունեմ, որ քվեարկությունը կանցնի հանգիստ, հաշվարկը նույնպես, և վաղը կարթնանանք բոլորի համար ընկալելի արդյունքներով: Եթե տեսնենք բողոքարկելու հիմքեր, կբողոքարկենք»,- ընդգծեց ՀՀԿ ցուցակի առաջին համարը: Վիգեն Սարգսյանը վստահեցրեց, որ ՀՀԿ ղեկավար Սերժ Սարգսյանը նույնպես մասնակցելու է ընտրությանը, քանի որ նա երկրի ակտիվ քաղաքացի է: